Dilemat e fundit të grupeve të Eurovolley 2021, Itali-Slloveni dhe Francë-Letoni në Oversport

Faza e ndeshjeve në Grupe, në Kampionatin Europian të Volejbollit për meshkuj 2021 po i afrohet fundit. Disa skuadra e kanë siguruar kualifikimin, ndërsa të tjerat po mundohen të gjejnë një biletë për në turin tjetër të turneut.

Poloni-Ukrainë dhe Greqi-Portugali janë dy ndeshjet e fundit të Grupit A. Serbia, Polonia dhe Ukraina janë tashmë të kualifikuara, prandaj përcaktuese për biletën e fundit të këtij grupi bëhet sfida mes grekëve dhe portugezëve.

Italia dhe Sllovenia luajnë për kreun e Grupit B, pasi janë kualifikuar të dyja për më tej. Bjellorusi-Mali i Zi është sfida tjetër e grupit.

Në Grupin C janë përcaktuar 4 skuadrat që vazhdojnë rrugën në këtë eveniment. Rezultatet e sfidave  Rusi-Maqedoni e Veriut dhe Finlandë-Turqi vlejnë për të vendosur renditjen përfundimtare të grupit.

Me Francën dhe Gjermaninë të kualifikuara, Sllovaki-Kroaci kthehet në një sfidë direkte për kualifikim në Grupin D. Francë-Letoni është ndeshja tjetër e këtij grupi.

Itali-Slloveni në orën 15.45 dhe Francë-Letoni në orën 19.00 do të transmetohen Live dhe eksluzivisht në Oversport.