Zyrtare: Kukësi përforcohet në prapavijë, firmos me Kristin Markun

Kristi Marku rikthehet në Superiore. Mbrojtësi për herë të fundit në elitën e futbollit shqiptar kishte luajtur me Lushnjën, kurse më pas u aktivizua në Armeni dhe Estoni.

Këtë verë për disa ditë u shfaq te Vllaznia, por me shkodranët nuk nënshkroi dhe tani është zyrtarizuar te skuadra e Kukësit që kishte nevojë për një tjetër qendërmbrojtës.

“Futboll Klub Kukësi njofton se mbrojtësi Kristi Marku është zyrtarisht futbollist i skuadrës sonë!

Futbollisti 26-vjeçar ka firmosur ditën e sotme me klubin një kontratë një-vjeçare me opsion rinovimi edhe për një sezon tjetër duke u bërë kështu futbollisti më i ri në skuadër.

Qendërmbrojtësi e njeh mirë kampionatin shqiptar pasi ka luajtur në të shkuarën me Partizanin, Flamurtarin e Lushnjen, teksa është aktivizuar edhe me ekipe si Trans Narva, Pyunik Jerevan, e Honved.

Klubi i Kukësit i uron shumë suksese mbrojtësit Marku me fanellen e ekipit tonë. Mirësevjen Kristi”, shkruhet në njoftimin e bërë nga klubi i Kukësit. / oversport.tv